Twitter emotsııaǵa qatty áser etedi - ǵalymdar
ASTANA. QazAqparat - Ǵalymdardyń pikirinshe, Twitter jelisi emotsııaǵa qatty áser etedi. Mamandardyń bul zertteýine 114 adam qatysqan. Ǵalymdar Tvıtterdi qoldaný kezinde qatysýshylardyń mı belsendiligin baqylýǵa alǵan, dep jazady sheteldik BAQ.
Zertteý barysynda mıdyń emotsııamen, este saqtaý qabiletimen baılanysatyn úsh bólshegi belsendi bolǵandyǵy anyqtaldy.
Jelide otyrǵan adamdarda emotsııalyq qozý 75 paıyzǵa ulǵaıǵan.
Tipti mıkroblogtardy selqos oqyp otyrǵan adamnyń ózinde de mıdyń belsendiligi 64 paıyzǵa artqany baıqaldy. Zertteýshilerdiń pikirinshe, Tvıtterdegi qysqa ári tez, ótkir jazbalar emotsııaǵa qatty áser etetin kórinedi.
