Twitter-diń negizin qalaýshy 2018 jyly 1,4 dollar jalaqy aldy

NUR-SULTAN. QazAqparat - Twitter kompanııasynyń bas dırektory Djek Dorsıdiń 2018 jylǵy jalaqysy 1,4 AQSh dollaryn qurady. Bul jaıly Bloomberg agenttigi habarlaıdy.

Agenttiktiń málimetinshe, Dorsı tórt jyl buryn laýazymyna qaıtyp kelgennen keıin alǵashqy jalaqysyn aldy. 2015, 2016 jáne 2017 jyldary «kompanııanyń uzaqmerzimdi áleýeti men qundylyqtaryna degen senimge» yntalana otyryp, ol aqshalaı syıaqylardan óz erkimen bas tartyp kelgen.

Dúısenbi kúngi kompanııanyń qujattamasynda jarııalanǵan bul soma attas áleýmettik jelidegi 2006 jyly bekitilgen habarlamalarǵa arnalǵan tańbalardyń sanymen (140 tańba) teń keledi. Bul lımıt 2017 jyly eki ret kóterilip, 280 tańbany qurady.

Djek Patrık Dorsı - amerıkalyq kásipker, Twitter jáne Square sııaqty kompanııalardyń qurýshysy. Forbes jýrnalynyń 2019 jyldyń qańtar aıyndaǵy reıtınginde onyń baılyǵy 5,5 mıllıard dollarǵa baǵalanǵan bolatyn.