Twitter-diń aqsha qory 412 jylǵa jetedi
ASTANA. QazAqparat - Kompanııanyń esepshottarynda jınalǵan qarajat tórt júz jyldan astam ýaqytqa jetedi. Bul týraly S&P Capital IQ ótkizgen baǵalaý málimetterine silteme jasaǵan USA Today basylymy aqparattandyryp otyr.
Ótken jyldyń úsh toqsanynyń ishinde Twitter 3,5 mlrd. dollar qory týraly esep berdi. S&P Capital IQ taldaýshylary eger kompanııanyń 2015 jyly sııaqty jylyna 8,5 mıllıon qarajat jumsasa, bul aqsha oǵan 412 jylǵa jetetinin eseptedi.
Salystyrmaly túrde, ótken jyldyń jartysynda Apple korporatsııasynyń qory 203 mıllıard dollardy quraǵan. Atlantic sarapshylarynyń esepteýinshe, eger bul qarajatty qolma-qol etse, olar 93 olımpıadalyq basseındi toltyrýǵa jetedi.
Bul rette maqala avtorlary Twitter-diń sońǵy ýaqytta qıyndyq kórip otyrǵanyn atap ótýde. Atap ótkende, tórt top-menedjeriniń otstavkasynan keıin onyń aktsııalary 3,6 paıyzǵa tómendegen. Bul rette jalpy alǵanda ótken jyly kompanııa aktsııalarynyń baǵasy 55 paıyzǵa azaıǵan.
