Twitter-degi 2014 jylǵy eń basty heshtegter ataldy
ASTANA. QazAqparat - Twitter óz paıdalanýshylary bıylǵy jyly eń kóp talqylaǵan heshtegterdi (#), taqyryptar men oqıǵalardy atady.
Atalmysh áleýmettik jeli naqty sandardy bermegenimen, heshtegter jıyntyǵyna qaraǵanda, 2014 jyly paıdalanýshylar arasynda eń tanymal taqyryptar Sochıdegi XXII qysqy Olımpıada oıyndary, Brazılııadaǵy fýtboldan álem chempıonaty (atap aıtqanda, Germanııa quramasynyń jeńisi), «Oskar» jáne «Emmı» syılyqtarynyń tabystalýy, Nıgerııadan 276 oqýshynyń urlanýy, Malaysia Airlines (MH370 jáne MH17) ushaqtarynyń apaty, Robın Ýılıamstiń ajaly jáne Fergıýsondaǵy tolqynystar bolǵan. Sondaı-aq jeli paıdalanýshylary Shotlandııanyń táýelsizdik týraly referendýmyn, Emma Ýotsonnyń jynystar teńdigi týraly málimdemesin, Qytaıdaǵy «qolshatyrlar tóńkerisin», Malala ıÝsýfzaıdyń Nobel syılyǵyn alýyn, Berlın qorǵanynyń qulaýynyń 25 jyldyǵyn jáne halyqaralyq ǵarysh stansasyndaǵy ǵaryshkerlerdiń tynys-tirshiligin jıi talqylaǵan.
Soǵan qaraǵanda, Ebola bezgegi men Ice Bucket Challenge týraly taqyryptar Twitter paıdalanýshylaryn máselen, Facebook paıdalanýshylarymen salystyrǵanda, azyraq qyzyqtyrǵan, dep habarlaıdy Lookatme.
