Twitter-de jarııalaǵan sózi úshin ushaqtan shyǵaryp jibergen
ASTANA. QazAqparat - Amerıkalyq Southwest Airlines áýekompanııasynyń qyzmetkerleri eki balasymen birge er adamdy samoletten shyǵaryp jibergen. Buǵan onyń Twitter-de jarııalaǵan sózi sebep bolǵan, dep jazady RIA Novostı.
Oqıǵa Kolorado shtatynyń Denvera áýejaıynda oryn alǵan. Eki kishkentaı qyzymen saparǵa attanǵan er adam bortqa kezeksiz kóterilmek bolǵan. Ony ushaq qyzmetshisi kezeksiz jiberýden bas tartqan. Osy tusta ekeýi sózge kelip qalǵan. Birer sátten soń ushaqqa jaıǵasyp bolǵan jolaýshy aty-jónin atap, Denveradaǵy eń dóreki qyzmetshi degen maǵynada Twitter-de post jarııalaǵan.
Sodan kóp ýaqyt ótpesten jolaýshyny ushaqtan shyǵaryp jibergen. Eki qyzyn jetektep borttan shyqqan sátte álginde sózben iligisip qalǵan qyzmetshi onyń dereý Twitter-de jarııalaǵan sózin óshirýin talap etken. Óıtpese ony qaýipti adam dep aıyptap, saqshylardy shaqyratynyn habarlaǵan. Jolaýshy onyń talaptaryn oryndaǵan soń bortqa qaıta oralypty.
Keıinirek amerıkalyq azamat áýekompanııasy oǵan 50 dollarlyq vaýcher usynyp, oqıǵanyń artyn jýyp-shaımaq bolǵan. Biraq ol endi bul áýekompanııasynyń qyzmetine júginbek emes.
