Twitter bırjada aktsııalaryn ornalastyrýǵa 2 mlrd. dollar tartýy múmkin
ASTANA. 6 qazan. QazAqparat - Amerıkandyq Twitter mıkroblogtar servısy bırjada óz aktsııalaryn alǵashqy ornalastyrý barysynda 2 mlrd. dollar qarjy tartýy múmkin, bul áýelgi josparlanǵannan eki ese kóp, dep habarlady Rosbalt.
The New York Post-tyń jazýynsha, Twitter basshylyǵy aǵymdaǵy aıdyń sońynda Nıý-Iorkte roýd-shoý dep atalatyn áleýetti ınvestorlarmen kezdesýler ótkizedi. Eger ol oıdaǵydaı aıaqtalsa, IPO kezinde jalpy kólemi jalpy kólemi 2 mlrd. dollar qarjy tartýy múmkin.
Budan buryn Twitter kompanııasy bırjada (IPO) óziniń aktsııalaryn alǵashqy ret ornalastyrýǵa ázirlik úderisin bastaǵany habarlanǵan bolatyn. Twitter baǵaly qaǵazdaryn satý barysynda 1 mlrd. dollar tartýdy josparlaýda.
Búginde qaıtalama naryqta kompanııa 9,4 mlrd.dollarǵa baǵalanýda.
Jaqynda Twitter IPO qarsańynda óziniń Dýblındegi eýropalyq shtab-páterinde shtat sanyn eki ese arttyryp jatqany belgili boldy. Áleýmettik jeli eýropalyq shtabynda 100 jańa jumys ornyn quratynyn málim etti.
Eske sala keteıik, budan buryn qyrkúıek aıynda kompanııa amerıkandyq baǵaly qaǵazdar jónindegi komıssııaǵa jáne bırjaǵa qujattaryn tapsyrdy. Jeke ınvestorlar Twitter-diń qunyn 10 mlrd. dollardan asa somaǵa baǵalap otyr.
