Twitter AQSh bıligin sotqa berdi
ASTANA. QazAqparat - Twitter kompanııasy AQSh bıligine qarsy San-Frantsısko federaldy sotyna shaǵym túsirdi.
Olar eldiń Іshki ister mınıstrligi men shekara qyzmetiniń áleýmettik jeli qoldanýshysy týraly jeke maǵlumat berýin suraǵan ótinishin joqqa shyǵarýdy talap etti. Bul - «AQSh azamattyǵy jáne kóshi-qon qyzmetiniń balamasy» degen ataýmen ashylǵan akkaýntqa qatysty jaıt.
Boljam boıynsha, ony qazirgi ákimshiliktiń saıasatyna qarsy belgisiz bireýler júrgizip keledi. Sonymen qatar paraqsha ıesi úkimettik mekeme qyzmetkeri bolýy múmkin.
Aıta keteıik, AQSh prezıdenti Donald Trampty ulyqtaý rásimi ótkennen keıin áleýmettik jelide kóshi-qon dempartamentin synǵa alǵan paraqshalar paıda boldy. Osyǵan baılanysty naýryz aıynda bılik ókilderi Twitter kompanııasynan osy paraqshalardy júrgizip otyrǵan adamdar týraly resmı aqparat suraǵan. Degenmen Twitter pikirin anonımdi túrde jarııalaýǵa AQSh konstıtýtsııasyndaǵy sóz bostandyǵy ruqsat etetinin alǵa tartyp, mundaı málimet berýden bas tartty. Tipti muny sotta dáleldeýge daıyn.
Derekkóz: «Habar 24» telearnasy
