Twitter aktsıonerleri Ilon Maskty sotqa berdi
NUR-SULTAN. QazAqparat – Twitter aktsııalarynyń ıeleri Ilon Mask pen kompanııany sotqa berdi, dep habarlaıdy QazAqparat Euronews-ke silteme jasap.
Investorlardyń aıtýynsha, mıllıarder mámileden bas tartý nemese satyp alý baǵasyn aıtarlyqtaı tómendetýge kelisý úshin Twitter aktsııalarynyń baǵasyn túsirýge tyrysýda. Kompanııanyń aktsııalary qazirdiń ózinde 12% -ǵa tómendep ketken.
Mask Twitter-di sáýir aıynyń sońynda 44 mıllıard dollarǵa satyp alýǵa kelisken bolatyn. Biraq keıin áleýmettik jelidegi bottardyń sanyna qanaǵattanbaǵandyqtan, mámileni toqtatty.
Eske salsaq, Ilon Mask Twitter-di 44 mlrd dollarǵa satyp alatyny týraly buǵan deıin habarlaǵan bolatynbyz.
