TWESCO Mońǵolııada arheologııalyq qazba jumystaryn bastady
Bul joba Astanada ótken «Uly dala» forýmy aıasynda qol qoıylǵan yntymaqtastyq memorandýmy sheńberinde Mońǵolııa Ulttyq Ǵylym akademııasy janyndaǵy Tarıh, arheologııa ınstıtýtymen birlesip júzege asyrylyp otyr.
Mońǵolııa aımaǵyndaǵy kóne túrki dáýiri eskertkishteriniń etnomádenı mánin anyqtap, ǵylymı turǵydan zerdeleý, arheologııalyq qazynalaryn baıytý maqsatyn kózdeıtin qazba jumystary 2 aıǵa sozylady.
Qazba jumystaryna Mońǵolııa tarapynan belgili arheolog D.Tsevendorj, al Qazaqstan tarapynan túrkolog-ǵalym N.Bázilhan jetekshilik etýde.
Zertteýler nátıjesi boıynsha Ázerbaıjan, Qazaqstan, Qyrǵyzstan, Mońǵolııa, Reseı jáne Túrkııa ǵalymdarynyń qatysýymen 2016 jyly 20-25 tamyzda «Uly dala kóshpelileri qazynasy: Táńirtaýdan Ótúken ólkesine deıin» atty halyqaralyq ekspedıtsııa uıymdastyrylady.
Aıta ketý kerek, akademııa 2015 jyly Ejelgi Ótúken alqabynda ornalasqan «Shıveet ýlaan» ǵuryptyq kesheninen tabylǵan túrki rý-taıpalardyń tańbasy qashalǵan «Máńgi tastyń» dálme-dál ǵylymı kóshirmesin Astana qalasynda ornatqan bolatyn.
