TWESCO Abaı murasyna arnalǵan halyqaralyq onlaın-konferentsııa ótkizedi

NUR-SULTAN. QazAqparat - Halyqaralyq Túrki akademııasy (TWESCO) uly oıshyl Abaıdyń 175 jyldyq mereıtoıyn halyqaralyq deńgeıde atap ótý maqsatynda onlaın konferentsııa ótkizedi, dep habarlaıdy QazAqparat.

Konferentsııa Halyqaralyq Túrki akademııasynyń qurylǵanyna 10 jyl tolýyna oraı uıymdastyrylady. Taqyryby - «Abaı jáne HHІ ǵasyr: dáýirler sabaqtastyǵy».

Onlaın-vıdeo formatyndaǵy konferentsııaǵa TWESCO prezıdenti Darhan Qydyráli, Túrki keńesi Bas hatshysynyń orynbasary Sultan Raev, Túrkitildes elder Parlamenttik Assambleıa keńesiniń (TıÝRKPA) Bas hatshysy Altynbek Mamaıýsýpov, Túrki mádenıeti jáne mırasy qorynyń prezıdenti Gúnaı Efendıeva, Túrki mádenıetiniń halyqaralyq uıymy (TıÝRKSOI) Bas hatshysynyń orynbasary Bılál Chaqyjy, Qazaqstan Respýblıkasynyń Mádenıet jáne sport mınıstri Aqtoty Raıymqulova, Qazaqstan Respýblıkasynyń Bilim jáne ǵylym mınıstri Ashat Aımaǵambetov, Qyrǵyz Respýblıkasynyń Mádenıet, aqparat jáne týrızm mınıstri Azamat Jamankýlov, Qazaqstan Respýblıkasynyń Syrtqy ister mınıstrligi, erekshe tapsyrmalar jónindegi elshisi Batyrhan Qurmanseıit jáne Ázerbaıjan, Bashqurtstan (RF), Qazaqstan, Qyrǵyzstan, Majarstan, Mońǵolııa, Ózbekstan jáne Túrkııa elderiniń tanymal túrkolog ǵalymdary qatysady dep josparlanýda.

Shara barysynda Halyqaralyq Túrki akademııasy basyp shyǵarǵan hákim Abaıdyń túrik, ázerbaıjan, qyrǵyz, ózbek tilderine aýdarylǵan shyǵarmalarynyń tusaýy kesiledi. Atap aıtqanda, ázerbaıjan jáne ózbek tilderinde Abaıdyń «Qara sózderi», qyrǵyz tilinde «Abaı óleńderiniń akademııalyq jınaǵy», túrik tilinde «Abaı joly» epopeıasy (2 tom), Abaı týraly maqalalar jáne Abaı «Qara sózderi» men óleńderiniń (4 kitap) tanystyrylymy ótedi.

Ótetin kúni jáne orny: 21 mamyr, «Egemen Qazaqstan» gazeti kóshesi, 5/13 mekenjaıy.