Tvýması «Astana» komandasyn alǵa shyǵardy

ASTANA. QazAqparat - Eýropa lıgasynyń pleı-off synynda «Astana» men BATE arasyndaǵy qarymta kezdesýde qazaqstandyq komanda alda kele jatyr.

Alǵashqy goldy BATE-niń jartylaı qorǵaýshysy Mıxaıl Gordeıchýk oıynnyń 27-mınýtynda salsa, ekinshi taımda oıynnyń 50-mınýtynda «Astana» sapynan Nemanıa Maksımovıch ese qaıtardy. Al 76-mınýtta Patrık Tvýması aıyp dobyn sátti oryndaýdyń arqasynda qazaqstandyq komandany alǵa shyǵaryp otyr.

Endi kelesi kezeńge ótý úshin, BATE komandasyna keminde tórt gol salý kerek.

Aıta keteıik, match Belarýs elinde «Borısov-Arena» stadıonynda ótip jatyr.

Eske sala ketsek, «Astana» men BATE arasynda Eýropa lıgasynyń pleı-off synynda «Astana Arenada» ótken alǵashqy match 2:0 esebimen qazaqstandyq komandanyń basymdyǵymen aıaqtalǵan bolatyn. Ol kezde «Astana» shabýylshysy Djýnıor Kabananga men Azat Nurǵalıev gol avtorlary atanǵan edi.