Tvýması alǵash ret Ispanııa klýby týraly aıtty
ASTANA. QazAqparat - «Astananyń» burynǵy oıynshysy Patrık Tvýması Ispanııanyń «Alaves» klýbyna aýysqan soń alǵash ret suhbat berdi, dep habarlaıdy Sports.kz.
«Jankúıerler meni óte jyly qabyldady. Osy jerge kelgenime óte qýanyshtymyn, komandaǵa kómektesý, jankúıerler senimin aqtaý úshin qolymnan kelgenniń bárin jasaımyn. Bapker meni jigerlendirip otyr «Alaves» aıtýly ujym, osy múmkindikti paıdalaný úshin kóp jumys istedim», - deıdi fýtbolshy.
Patrık Tvýması «Astanadan» «Alaveske» 3 mıllıon eýroǵa aýysty. Bul Qazaqstan klýbtary tarıhyndaǵy eń qymbat transfer boldy. 24 jastaǵy fýtbolshynyń kelisimsharty tórt jylǵa eseptelgen. Patrık «Alaveste» 24-shi nómirmen oınaıdy.
