Tver qalasynyń órt sóndirýshisi Maksım Galkınnen 8 mln. rýbl utyp aldy
ASTANA. 6 qarasha. QazAqparat - Tver qalasynan kelgen órt sóndirýshi qyzymen birge Maksım Galkınniń «On mıllıon» baǵdarlamasynda qoıylǵan suraqtarǵa durys jaýap berýi arqyly 8 mln. 250 myń rýbl utyp aldy.
Valerıı Doroshenko Tver oblysynda órt sóndirýshi bolsa, al onyń qyzy Valerııa Máskeýdiń OShAO ishki ister polıtsııa basqarmasynda jumys isteıdi, - dep jazady «Komsomolskaıa pravda» gazeti.
«Qyzyma qonaqqa kelgenmin, ınternettegi shoýǵa qatysýǵa shaqyrýdy kórip, birden saýalnamany toltyrdym da, ony sol boıda jónelttim. Eki aıdan keıin telefon shalyp meni baǵdarlamaǵa qatysýǵa shaqyrdy», - dep áńgimeleıdi jańa mıllıoner.
Utqan aqshasyn Doroshenko óziniń týǵan aýyly Tarýssk aýdanynda fermerlik sharýashylyqty nyǵaıtýǵa jumsaýdy josparlap otyr.
