Tver hokkeı klýby QR Ánuranyn shatastyryp alǵany úshin aıyppul tóleıtin boldy
QARAǴANDY. 15 qańtar. QazAqparat - Joǵary hokkeı lıgasy (JHL) Tver hokkeı klýbyn qaraǵandylyq «Saryarqa» komandasymen bolǵan match aldynda
Qazaqstannyń Ánurany shatastyrylyp qoıylǵandyǵy úshin aıyppul tóleýge mindettedi. Bul týraly Qaraǵandy oblystyq Týrızm, deneshynyqtyrý jáne sport basqarmasynyń baspasóz qyzmetinen habarlady.
«Joǵary hokkeı lıgasy «Saryarqa» hokkeı komandasynan jiberilgen olqylyq úshin keshirim surady. JHL Tver hokkeı lıgasyn aıyppul tóleýge mindettedi jáne Reseıdiń barlyq hokkeı klýbtaryna match barysynda buzýshylyqtarǵa jol bermeý týraly eskertý jiberdi», - delingen habarlamada.
Esterińizge sala keteıik, aǵymdaǵy jyldyń 12 qańtarynda Perm qalasynda jergilikti Tver hokkeı klýby men Joǵary hokkeı lıgasynyń kóshbasshysy «Saryarqa» arasynda ótken match alynda Qazaqstannyń eski Ánurany shyrqaldy. Keıin «Saryarqa» komandasy Joǵary hokkeı lıgasyna Qazaqstan Ánuranymen bolǵan jańylystyqqa qatysty hat jiberdi.
Osydan keıin «Tver hokkeı klýbynyń basshylyǵy men baspasóz qyzmeti «Saryraqa» hokkeı komandasynan, klýbtyń jankúıerlerinen, Qazaqstan Respýblıkasynyń turǵyndarynan ketken olqylyq úshin keshirim surady. Bul týraly THK HK-nyń resmı saıtynda jazyldy.
