Tver hokkeı klýby Qazaqstan Ánuranymen bolǵan qatelik úshin keshirim surady
ASTANA. 15 qańtar. QazAqparat - THK Tver hokkeı klýby Qaraǵandynyń «Saryarqa» komandasymen ótken matchtyń aldynda
Qazaqstannyń eski Ánurany oryndalǵany úshin keshirim surady, dep habarlady Vesti.kz
«Tver hokkeı klýbynyń basshylyǵy men baspasóz qyzmeti «Saryraqa» hokkeı komandasynan, klýbtyń jankúıerlerinen, Qazaqstan Respýblıkasynyń turǵyndarynan ketken olqylyq úshin keshirim suraıdy», - delingen THK HK-nyń resmı saıtynda.
Esterińizge sala keteıik, aǵymdaǵy jyldyń 12 qańtarynda Perm qalasynda jergilikti Tver hokkeı klýby men Joǵary hokkeı lıgasynyń kóshbasshysy «Saryarqa» arasynda ótken match alynda Qazaqstannyń eski Ánurany shyrqaldy. Keıin «Saryarqa» komandasy Joǵary hokkeı lıgasyna Qazaqstan Ánuranymen bolǵan jańylystyqqa qatysty hat jiberdi.
