Tuzkól ken ornynda gaz jobasy iske qosyldy
ASTANA. KAZINFORM — Energetıka mınıstrligi Qyzylorda oblysyndaǵy Tuzkól ken ornynda shıki gazdy óndirý jáne jetkizý boıynsha áleýmettik mańyzy bar jobany iske asyrýdy bastaıtynyn habarlaıdy.
Joba energetıkalyq turaqtylyqty nyǵaıtýǵa jáne óńirlik ınfraqurylymdy damytýǵa baǵyttalǵan.
Jobanyń operatory retinde «TuzkólMunaıGaz Opereıtıng» JShS áreket etedi. Bastama QR Energetıka mınıstrligimen tyǵyz úılestikte jáne ulttyq salalyq kompanııalardyń qatysýymen júzege asyrylady.
Bastapqy kezeńde jylyna shamamen 30 mıllıon tekshe metr shıki gaz jetkizý josparlanýda jáne de 2026 jyly Tuzkól jáne 2028 jyly Ketekazǵan Batys ken oryndarynyń gaz qorlaryn ónerkásiptik ıgerýge kóshý arqyly jetkizý kólemin jylyna 200 mıllıon tekshe metrge deıin kezeń-kezeńimen arttyrý kózdelýde.
Bul óńirdiń gazben qamtylý aıasyn keńeıtýge jáne energetıkalyq ınfraqurylymdy nyǵaıtýǵa múmkindik beredi.
Jobada áleýmettik quramdas bólikke erekshe nazar aýdarylady, atap aıtqanda: jańa jumys oryndaryn qurý, jergilikti mamandardy tartý jáne ilespe ınfraqurylymdy damytý.
Óndirilgen gaz seriktes kásiporyndardyń qýattarynda óńdelip, ulttyq gaz tasymaldaý júıesine jetkiziledi. Energetıka mınıstrligi jobany iske asyrýdyń barlyq kezeńderinde jan-jaqty qoldaý kórsetip, tehnologııalyq senimdilik pen memlekettik standarttarǵa sáıkestikti qamtamasyz etedi.
Tuzkól ken ornyndaǵy gaz jobasy — memlekettiń jáne kásipkerliktiń tıimdi yntymaqtastyǵynyń jarqyn úlgisi. Ol turaqty damýǵa, energetıkalyq qaýipsizdikke jáne halyqtyń ómir súrý jaǵdaılaryn jaqsartýǵa baǵyttalǵan. Energetıka mınıstrligi resýrstyq bazany keńeıtý jáne zamanaýı tehnologııalardy engizý boıynsha jumysty jalǵastyrady.