Túzeý kolonııalarynda betperde tigýmen aınalysqan azamattarǵa syıaqy berildi
NUR-SULTAN. QazAqparat - Túzeý kolonııalarynda jazasyn ótep jatqan azamattar betperde tigýmen aılanysqan jumysy úshin aqshalaı syıaqy aldy, dep habarlaıdy ShQO boıynsha QAJD baspasóz qyzmeti.
Qazirgi ýaqytta qorǵanys quraldary men dezınfektsııa óte qajet bolyp tur. Osyǵan baılanysty, Іshki ister mınıstrligi men Qylmystyq atqarý júıesi komıtetiniń basqarmasy basshylyǵynyń sheshimimen qylmystyq-atqarý júıesiniń óndiristik obektilerinde qorǵanys betperdelerin tigý jumysy uıymdastyryldy.
19 naýryzdan bastap Shyǵys Qazaqstannyń alty kolonııasynda sottalǵandar qorǵanys betperdelerin tige bastady. Osy ýaqytqa deıin olar 120 myńnan astam betperde tigip úlgergen.
Osy betperdelermen polıtsııa ofıtserleri men áskerı qyzmetkerler tolyǵymen qamtamasyz etilgen.
Sottalǵandardyń eńbegi eleýsiz qalmady, olarǵa aqshalaı syıaqy berildi.
«Bizdiń jumysymyz baǵalanyp, syıaqy tabystalǵanyna óte qýanyshtymyn. Shynymdy aıtsam, men buǵan senbedim, birinshi ret óz jumysym úshin aqshalaı syılyq aldym. Men alǵan syıaqymdy áıelime aýdaryp jiberdim, oǵan bul aqsha maǵan qaraǵanda qajetti dep oılaımyn», - dedi Arlan esimdi jazasyn óteýshi.
Búgingi tańda Shyǵys Qazaqstan oblysynyń túzeý mekemelerinde qorǵanys maskalaryn tigý jalǵasýda.
