Túzetý mekemelerindegi 92 adam dástúrli ıslamǵa qaıtty

ASTANA. KAZINFORM – Іshki ister mınıstrligindegiler Kazinform saýalyna joldaǵan jaýapta destrýktıvti dinı aǵym jetegindegilerdi dástúrli ıslamǵa qaıtarý jumystary qalaı júrip jatqanyn málim etti.

- Qazaqstan musylmandary dinı basqarmasymen birlesip sottalǵandarmen jumys isteýge, anaǵurlym tájirıbeli 107 resmı dinı ókil iriktelip, mekemelerge bekitildi. 

QMDB jáne Qylmystyq atqarý júıesi mekemeleriniń teologııalyq ońaltý jumysyn uıymdastyrý ınspektorlarynyń birlesken is-qımyl jasasý algorıtmi ázirlendi. 

Ótkizilgen is-sharalardyń nátıjesinde 2024 jyly dinı ekstremızm ıdeıalarynan dástúrli ıslamǵa 92 adam aýysty, - dep jazylǵan mınıstrlik málimetinde.

Jalpy 2024 jyly sottalǵandarǵa 43 myńnan astam psıhologııalyq konsýltatsııa kórsetilgen.

- Sottalǵandarǵa týystarymen uzaq merzimdi kezdesýler berý kezinde sottalǵandardyń amnestıkalyq derekterimen jáne qamaýǵa alynǵanǵa deıingi ómirimen tanysý, otbasylyq qatynastardy qoldaý, otbasy ishindegi janjaldardy sheshý úshin psıhologııalyq konsýltatsııa júrgiziledi. 

2024 jyly 43 054 konsýltatsııa ótkizildi. Barlyq sottalǵandarǵa mekemege kelgen kúnnen bastap psıhologııalyq kómek kórsetiledi (ustaý rejımine beıimdelý kezindegi qoldaý, daǵdarystyq jaǵdaılardy jeńý, tulǵaaralyq qatynastardy ońtaılandyrý úshin túzetý jáne aldyn alý jumystary), - dep jazady ІІM mamandary. 

Buǵan deıin Qazaqstan túrmelerindegi 1 myńnan astam áıel raqymshylyqqa ilinýi múmkin ekenin jazǵan edik.