Túzetý mekemelerine esirtki zattaryn jetkizý arnasyn uıymdastyrdy degen kúdikti ustaldy
ASTANA. Aqpannyń 24-i. QazAqparat /Rýslan Ǵabbasov/ - Qyzylorda oblysynyń ІІD Uıymdasqan qylmysqa qarsy kúres basqarmasynyń qyzmetkerleri arnaıy operatsııa barysynda 34 jastaǵy qylmystyq toptyń «bedeldisin» quryqtady.
Bul týraly búgin Astanada ótken brıfıntge Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Q. Jumanovtyń sózine qaraǵanda, ony tekserý kezinde patrondary bar «Makarov» tapanshasy jáne 31 grammnan astam gashısh tárkilengen. «Qarý jáne esirtki zattaryn saqtaý faktisi boıynsha qylmystyq is qozǵaldy. Sondaı-aq, ustalǵan azamat oblystyń túzetý mekemelerine esirtki zattaryn jetkizý arnasyn uıymdastyrdy degen kúdik keltirilip otyr»,-dedi ol.
