Túzetý mekemelerinde Rojdestvony toılaý sharalary ótedi
ASTANA. Qańtardyń 6-sy. QazAqparat /Ǵalymjan Hasenov/ - Penıtentsıarlyq júıeniń túzetý mekemeleriniń aýmaqtarynda ornalasqan ǵıbadat bólmeleri men shirkeýlerinde bul kúnderi Rojdestvony toılaý sharalary ótip jatyr,
dep habarlady Ádilet mınıstrliginiń Qylmystyq-atqarý júıesi komıtetinen.
Atap aıtqanda, Saýmalkól aýylynda ornalasqan ES-164/8 mekemesinde (Soltústik Qazaqstan oblysy), Evgenıı Krokýshev ákeı merekelik ǵıbadat rásimderin ótkizedi, al odan keıin sporttyq jarystar ótedi. Osyndaı rásimdi dıakon Vsevolod Pomytkın Petropavl qalasyndaǵy balalar kolonııasynda ótkizedi.
Bul kúnderi Shyǵys Qazaqstannyń da barlyq derlik túzetý mekemelerinde merekelik ǵıbadat rásimderi oryndaldy jáne dastarhan jaıyldy.
