Túzetý mekemelerinde nekege turý oqıǵalary azaıar emes - Qylmystyq-atqarý júıesi komıteti
ASTANA. Qyrkúıektiń 1-i. QazAqparat /Ǵalymjan Hasenov/ - Túzetý mekemelerinde nekege turý oqıǵalary azaıar emes, dep habarlady Ádilet mınıstrligi Qylmystyq-atqarý júıesi komıtetiniń baspasóz qyzmetinen.
Komıtettiń baspasóz qyzmetiniń ókili Samal Ǵadylbekovanyń aıtýynsha, neke qatynastaryn tirkeý - sottalýshynyń nemese tergeý qamaǵynda otyrǵan tulǵanyń ajyramas quqyǵy jáne elimizdiń penıtentsıarlyq júıesinde bul quqyq buljytpaı saqtalady.
Ómir kórsetip otyrǵandaı, nekege turý rásimine daıyndyqtyń barlyǵy qalyńdyqtyń ıyǵyna túsedi. Birinshi kezekte, ol Azamattyq hal aktilerin tirkeý ornynan ótinish qaǵazyn alady, odan keıin túzetý mekemesinde kúıeý jigittiń anketalyq málimetterin toltyryp, ony mekeme ákimshiligine qýálandyrady. Sodan keıin neke qıylatyn kún belgilenedi.
Munda aq kóılek kıgen qalyńdyqty jıi kezdestirmeısiń, kóbine toı saltanaty keıinge qaldyrylady, kúıeý jigittiń bostandyqqa shyqqanyn kútedi. Biraq ta jastar nekelerin zańdastyrý týraly sheshim qabyldasa, barlyq shara túzetý mekemesiniń máslıhat zalynda ótedi, al kýágerlikke mekeme qyzmetkeri shaqyrylady. Erli-zaıyptyǵa neke týraly kýáligin Azamattyq hal aktilerin tirkeý ornynyń qyzmetkeri tabys etedi. Sońǵy ýaqytta jastar nekelerin resmı zańdastyrýmen qosa, shirkeýde nemese meshitte de nekelerin qıdyryp júr.
Otbasylyq jaǵdaıy kúıeý jigitke eshqandaı jeńildik bermeıdi, tek oǵan jas kelinshegimen uzaqtaý kezdesý múmkindigi ǵana jasalady.
