Túzetý mekemelerinde bes myńnan astam adam jańa oqý jylynda partaǵa otyrady
ASTANA. Tamyzdyń 24-i. QazAqparat /Ǵalymjan Hasenov/ - Penıtentsıarlyq júıeniń 54 oqý mekemesinde bıylǵy jańa oqý jylynda 5 myńnan astam sottalýshy partaǵa otyrady, dep habarlady Ádilet mınıstrliginiń Qylmystyq-atqarý júıesi komıtetinen.
Komıtettiń Sottalǵandardyń arasyndaǵy tárbıe jumystary jónindegi basqarmasynyń bastyǵy Vladımır Tokın qýattaǵandaı, jyl saıynǵy oqý protsesi adamdardyń jalpy jáne kásiptik bilim tegin bilim alýǵa degen konstıtýtsııalyq quqyqtaryn júzege asyrý maqsatynda júrgiziledi.
Qylmystyq-atqarý zańnamasyna sáıkes, oqý úderisi sottalýshyny túzetýdiń negizgi quraldarynyń biri bolyp tabylady. Atalmysh zańnamany júzege asyrý aıasynda, jastary áli 30-ǵa jetpegen tulǵalar mindetti túrde búkil oqý protsesin qamtıdy jáne attestat alady, al 30 jastan asqan sottalýshylar men 1- jáne 2-shi toptaǵy múgedekter óz qalaýlary boıynsha orta bilim ala alady.
