Túzetý: Qazaqstanda vırýs juqtyrǵandar sany 1199-ǵa jetti

NUR-SULTAN. QazAqparat – QR Densaýlyq saqtaý mınıstrligi elimizdi koronavırýs juqtyrǵan azamattarǵa qatysty málimetterge t.zetý engizdi, dep habarlaıdy QazAqparat.

Mınıstrliktiń málimetterine qaraǵanda, 14 sáýirde tańǵy saǵat 10:25-te Túrkistan oblysynda taǵy úsh adamnyń koronavırýsty juqtyrǵany týraly habarlandy.

Koronavırýs ınfektsııasy Jetisaı aýdanynyń Sh. Dildábekov aýyldyq okrýginiń 1970 jylǵy, Dostyq aýylynyń 1971 jylǵy, Yntymaq aýyldyq okrýginiń Órkeni eldi mekeniniń 1994 jylǵy turǵyndarynan anyqtalǵan bolatyn.

«Sol kúni saǵat 18:30-da osy óńirde taǵy bes adamnyń vırýsty juqtyrǵany týraly habarlandy. Tehnıkalyq qatelikke baılanysty derekter qaıtalanyp ketti, sonyń nátıjesinde tańerteńgilik jaǵdaılar keshki ýaqytqa qaıta eseptelip ketti. Osyǵan baılanysty, 14 sáýirde Túrkistan oblysynda vırýsty juqtyrǵandar sany — 5, Túrkistan oblysynda KVI dıagnozy qoıylǵandardyń jalpy sany — 49, Qazaqstan boıynsha 1199 dep esepteýdi suraımyz»,-delingen habarlamada.

Osyǵan deıin elimizde koronavırýs juqtyrǵandar sany 1202-ge jetkeni týraly aqparat taraǵan bolatyn.