Túzetińiz nemese basqa adamdar aınalysady: Bektenov joldardyń jaǵdaıyna qatysty eskertý jasady
ASTANA. KAZINFORM — Premer-mınıstr Oljas Bektenov «QazAvtoJol» kompanııasynyń basqarma tóraǵasy Darhan Imanashevqa joldardaǵy jaǵdaıdy túzetýdi tapsyrdy.
— Bıylǵy 8 aıdyń qorytyndysyn ótken jylmen salystyrsaq, jol-kólik oqıǵalary 10 paıyzǵa azaıyp, qaza tapqandar sany 14 paıyzǵa, zardap shekkender sany 11 paıyzǵa tómendedi. Osy kezeńde respýblıkalyq joldarda kólik qozǵalysynyń qarqyndylyǵy orta eseppen 30 paıyzǵa artty, ıaǵnı kólik aǵyny aıtarlyqtaı kóbeıgenine qaramastan, qabyldanǵan sharalardyń nátıjesinde jol apatyna qatysty atalǵan negizgi úsh kórsetkish te tómendedi. Osy baǵytta jumystar jalǵasady, — degen edi kompanııa basshysy Úkimet otyrysynda.
Osy rette Premer-mınıstr baıandama jaqsy bolǵanymen sheshilmeı jatqan problemalyq máseleler óte kóp ekenin basa aıtty.
— Ony aıtqan joqsyz. Prezıdent aıtqan olqylyqtardyń bári sizdiń de jumysyńyzǵa tikeleı qatysty. Sondyqtan joldardyń sapasy joq, jaǵdaıda túzetý kerek. Túzetińiz! Nemese basqa adamdar bul jumyspen aınalysady. Uqtyńyz ba? — dedi Oljas Bektenov.
Aıta keteıik, otyrysta jol qozǵalysy qaýipsizdigin qamtamasyz etý máselesi qaralyp, jylý berý maýsymyna daıyndyq barysy pysyqtalyp jatyr.
