Tuzdyń kesirinen jyl saıyn jer sharynyń árbir onynshy turǵyny qaıtys bolady
ASTANA. QazAqparat - Dúnıejúzilik densaýlyq saqtaý uıymy eresek adamdarǵa kúnine 2 gramnan artyq tuz paıdalanbaýǵa keńes berdi, sebebi tuz qan qysymynyń artýyna áser etedi, dep jazady Medical News Today.
Tuz adamzat balasy tutynatyn barlyq taǵamnyń quramynda bar. Natrııdiń artyq bolýy qysymdy arttyrady. AQSh-tyń Tafts ýnıversıteti ǵalymdarynyń aıtýynsha, álemde árbir onynshy adam júrek-qan tamyrlary aýrýlary sebebinen qaıtys bolady eken. Ǵalymdardyń aıtýynsha, quramynda natrıı bar tuzdyń zııanyn osy ýaqytqa deıin eshkim eskermegen. Al ony mólsherden asyryp paıdalaný qan qysymynyń artýyna áser etip, júrek talmasyna soqtyrady. Álemde júrek-qan tamyrlary aýrýynan 1,65 mıllıon adamnyń ómiri qıyldy. AQSh, Afrıka, Ortalyq Azııa elderi tuzdy shamadan artyq qoldanady eken. Naqtyraq aıtqanda, amerıkalyq kúnine 3,6 gram tuz qossa, afrıkalyq 2,8, al Ortalyq Azııa elderiniń halyqtarynyń kúndelikti tutynatyn tuz mólsheri 5,51 gramm eken. Zertteý 205 elde júrgizilgen.
