Tuzdy taǵamdar salmaǵy joǵary jasóspirimderde jasýshalardyń qartaıýy úderisin shapshańdatady
ASTANA. QazAqparat - Tuzy kóp taǵamdardy paıdalaný salmaǵy artyq jasóspirimderde jasýshalardyń qartaıýy úderisin shańshańdatady, dep habarlady AQSh-taǵy Djordjı medıtsınalyq kolledjiniń zertteýshileri. Bul týraly www.medicinform.net. saıty habarlady.
Ǵalymdar jańa zertteýleri barysynda natrııdi kóp paıdalaný men dene ólsheýishterdiń arasyndaǵy baılanysty zerttedi. Dene ólsheýishteri hromosomdardyń ushtaryn jaýyp turatyn qorǵanys qaqpaqtary. Olar kóp jyldar boıy qysqarady. Alaıda temeki tartý jáne dene júktemesiniń jetkiliksizdigi sııaqty zııandy ádetter dene ólsheýishiniń uzyndyǵyn qysqartý protsesin shapshańdatady, sonyń saldarynan bul organızmniń qartaıýy úderisin de shapshańdatýǵa ákep soǵady.
Zertteýge 14-18 jastardaǵy 766 adam qatysty. Olar natrııdi kóp qoldanýyna qaraı birneshe topqa bólindi. Máselen, kúnine ortasha eseppen 2388 mg natrııdi tutynatyndar tómen paıdalanýshylar sanatyna endi, al kúnine 4112 mg natrıı tutynatyndar kóp paıdalanýshylar qataryn qurady. Mamandardyń usynýyna qaraǵanda, natrııdi tutynýdy kúnine 1500 mg-den asyrýǵa bolmaıdy.
Taldaý kórsetkendeı, natrııdy kún saıyn kóp paıdalanatyn etjeńdi jasóspirimderde dene ólsheýishteriniń uzyndyǵy qysqaraq bolyp shyqqan. Osy zertteýlerge súıene otyryp, ǵalymdar artyq salmaǵy bar jasóspirimder natrııdi tutynýdy shekteýi tıis ekenin eskertedi.
Mamandar natrııdiń basym bóligi óńdelgen azyq-túlik ónimderinde de bolatynyn aıtady. Sondyqtan da ata-analar jas ónimderdi nemese kókónis-jemis ónimderin kóbirek daıyndap, etjeńdi jasóspirimderdiń ártúrli aşy tiskebasar men chıptsy sııaqty taǵamdarǵa jolamaýy tıis ekenin qaperge salady.
