Tuzdy az tutyný búırek qyzmetin toqtatatyn qaterli dertterden qorǵaıdy
ASTANA. QazAqparat - Tuzdy taǵamǵa kóp qosý densaýlyq úshin zııan, bul ásirese júrek-tamyr júıesiniń problemalary bar adamdar úshin qaýipti. Al jańa zertteý tuzdyń tikeleı búırekke áser etetinin kórsetti, dep jazady Micrifinance Monitor.
Eger adam ortasha eseppen alǵanda kúnine 4,7 gramm tuz tutynsa, bul búırekke zııan keltirýdiń qaýpin ósiredi. Keıbir kezde keri áserdiń úlken bolatyny sonshalyq, dıalızden ótý qajet bolady. Tuzdy paıdalanýdyń ortasha statıstıkalyq kórsetkishi kúnine shashamen 2 gramdy quraıdy.
Irlandııa Ulttyq ýnıversıtetiniń Endrıý Smıt bastaǵan ǵalymdar tobynyń aıtýynsha, taǵam mólsherin ózgertý - ońaı ári shyǵyn shyǵaratyn sharýa emes, esesine ol densaýlyqqa zııan keltirýden saqtanýǵa múmkindik beredi.
Djodj Halyqaralyq densaýlyq saqtaý ınstıtýty da Qytaıdyń 120 aýylynda turatyn 544 635 adamnyń qatysýymen táýelsiz zertteý jasady. Ǵalymdar 18 aı boıy adamdardyń tuzdy paıdalaný deńgeıin baqylap keldi. Nátıjesinde tuzdy paıdalanýdy azaıtý búırektiń qyzmetin toqtatýǵa soqtyratyn dertterden qorǵaıtyndyǵy dáleldendi.
