Tuz qartaıýdy jedeldetedi
ASTANA. QazAqparat - Tuzdy taǵam qartaıý úderisin jedeldetedi. Djordjııa ýnıversıtetiniń ǵalymdary zertteý barysynda osyndaı baılamǵa keldi.
Adam aǵzasyna tuzdyń qalaı áser etetinin anyqtaý úshin 14-18 jas aralyǵyndaǵy 776 jasóspirimniń qatysýymen zertteý sharalary júrgizilgen. Ǵalymdar zertteýdiń basynda ár qatysýshynyń telomerleriniń uzyndyǵyn ólshegen kórinedi. Telomer - ol qorǵanysh qyzmetin atqaratyn hromosomanyń ushtary. Olardyń uzyndyǵynan aǵzanyń jaǵdaıyn baıqaýǵa bolady. Osy arqyly, aǵza jyl ótken saıyn qartaıyp, telomer uzyndyǵy da qysqarady. Sonymen qatar olar adam aýyrǵan kezde de qysqara bastaıdy. Zertteý kezinde salmaǵy artyqtaý jáne kún saıyn tamaqpen birge 5 gramnan astam tuzdy tutynatyn jasóspirimderde telomerler ózgelerine qaraǵanda qysqalaý bolǵan. Osynyń nátıjesinde, ǵalymdar adamnyń qartaıýy úderisin tejeý úshin kúnine taǵammen 5 gramnan aspaıtyn kólemde ǵana tuzdy tutyný kerek degen tujyrymǵa keldi, dep jazady Rosbalt.
