Tuıyqsý shatqalynda tas kóshkini astynda qalǵan alpınıst qutqaryldy
ALMATY. QazAqparat - Alataýdyń Tuıyqsý shatqalyndaǵy Ine asýynan jaraqat alǵan alpınıst tómenge jetkizildi, dep habarlaıdy QazAqparat tilshisi.
Alpınıst tas kóshkininiń astynda qalyp qoıǵan.
Qaladyq TJD taratqan aqparatqa səıkes, 7 tamyzda «Alpııskaıa roza» týrıstik toby Tuıyqsýdaǵy Ine asýyna saıahatqa attanǵan.
Myńjylqy ańǵaryndaǵy quzǵa órmelep kele jatqanda olar tas kóshkiniń astynda qalyp, biri jaraqattanǵan.
9 tamyzda keshke týrısterdiń týysqandarynyń biri TJD 112 nómirine habarlasyp kómek surady. «Tuıyqsýdaǵy teńiz deńgeıinen 4200 metr bıiktiktegi Ine asýynda tas kóship alpınısterdiń biri Rtışev Evgentıı jaraqat aldy. Ózdiginen qozǵala almaıdy» degen habarlama tústi.
10 tamyzda tańmen talasa saǵat 6-da «Qazəýequtqarý» tikushaǵymen respýblıkalyq qutqarý jasaǵynyń mamandary oqıǵa ornyna shyqty.
«Ka-32» ekıpajy tik jarǵa tikushaqty qondyra almady. Biraz ýaqyttan soń ekıpaj komandıri S.Korolkov lagerden 500 metr qashyqtyqtaǵy jerde dərigerler men qutqarý jasaǵynyń mamanyn túsirdi.
Qutqarý toby alpınıstik jabdyqtarmen japa shekken adamǵa jetip kómek kórsetken.
Adpınıst 1,5 saǵatta ashyq jambas synyǵymen zembil arqyly tikushaqqa jetkizildi. Osy ýaqytta tikushaq jerge qonbaı turǵan.
20 mınýtta Rtışev 7 qalalyq aýrýhanaǵa jetkizildi. Onyń jaǵdaıy qazir orta deńgeıde», -dedi Sandýǵash Baımýhambetova.
Taýǵa barlyǵy 5 adam shyqqan.
