Týysyn atqan Grýzııanyń burynǵy vıtse-mınıstri óz-ózine qol jumsamaq bolǵan

ASTANA. QazAqparat - Grýzııanyń ishki ister mınıstriniń burynǵy orynbasary Levan Gvazava óz-ózine qol jumsamaq bolǵan, dep habarlaıdy Grýzııa Online.

Levan Gvazava óziniń eki nemere baýyrlarymen birge kólikte kele jatqanynda kedergi keltirgen tárizdi sezingen soń qarýyn qabynan alyp tastamaq bolǵan. Sol sátte qarý abaısyzda atylyp ketip, aldyńǵy oryndyqta otyrǵan Rezo Kalomletsavıge tıgen. Ol birden mert boldy. Muny kórgen Levan ózin betinen atqan. Alaıda oq muryn súıegine tıip, mıyna jetpeı qalǵan.

Levan Gvazava aýyr jaǵdaıda aýrýhanaǵa jetkizilgen. Dárigerlerdiń aıtýynsha, onyń betine ota jasaldy, alaıda jaǵdaıy áli aýyr.

Tbılısı qalalyq ishki ister basqarmasymen qasaqana óltirý jáne oq atatyn qarýdy zańsyz alyp júrý jáne saqtaý faktileri boıynsha tergeý amaldary bastaldy.