Týystary men dostaryn iri somada aqsha alyp aldaǵan almatylyq ustaldy
ALMATY. QazAqparat - Almatyda turǵyndardy iri kólemdegi somaǵa aldap ketken adam ustaldy, dep habarlaıdy QazAqparat tilshisi.
24 jastaǵy er adam kepilge qoıylǵan jyljymaly jáne jyljymaıtyn múlikke arnalǵan bank saýdasyna qatysýdy syltaýratyp, týystary men dostarynan iri kólemde aqsha alyp, aldap ketken.
«Kúdikti adamnyń banktermen baılanysy bolmaǵan, biraq kepildikke qoıylǵan múlik aýktsıonynyń júıesin bilgen. Ol óziniń qurbandaryn úıdi nemese kólikti tıimdi túrde naryqtyq baǵadan edáýir tómen baǵamen satyp alýǵa bolatyndyǵyna sendirgen. Árıne, bul úshin qarajat qajet boldy. Keıbir klıentter birden birneshe múlik nysandaryn almaq bolǵan. Mysaly, jábirlenýshilerdiń biri 182 mıllıon teńgesin berse, ekinshi adam 386 myń AQSh dollaryn onyń qolyna senip tapsyrǵan», – dedi Almaty qalalyq PD Krımınaldyq polıtsııa basqarmasynyń bastyǵy Erkin Іńkárov.
Búginde keltirilgen materıaldyq shyǵyn kólemi shamamen bir mıllıon dollarǵa jetti.
«Árıne, ol eshqandaı mindettemeni oryndaýdy kózdegen joq. Ol aqshany ońaı jumsady, ózine eki páter, jańa kólik satyp alyp, shetelge shyǵyp úlgergen, jalpy alǵanda, ol óz jaǵdaıyn jasap aldy. Biraq uzaq emes. Qazirgi ýaqytta kúdikti ustalyp, Almaty qalasy PD ýaqytsha ustaý ızolıatoryna qamaldy. Ol QR QK-niń 190-baby 4-bóligimen aıyp taǵylǵan (Іri kólemdegi alaıaqtyq) Osy adamnyń qylmystyq is-áreketterinen zardap shekken azamattar, bizge myna telefondar arqyly habarlasýyńyzdy suraımyz: 8-701-666-69-54, 8-707-834-83-33 nemese 102», – dedi polkovnık Іńkárov.
