Týysqanynyń tólqujatymen shekaradan ótip ketpek bolǵan Qyrǵyzstan azamaty ustaldy
ASTANA. QazAqparat - Shekara qyzmetiniń «Qarasý-avto» baqylaý-ótkizý beketiniń (qazaq-qyrǵyz shekarasy, Jambyl oblysy) shekara narıady bizdiń elimizden Qyrǵyzstanǵa jaıaý-jalpylap ketip bara jatqan sol eldiń azamatyn ustady, dep habarlady QR UQK ShQ baspasóz qyzmetinen.
Shekaralyq baqylaý kezinde atalǵan azamat 1978 jyly týǵan Tarybaev Bırbek degen azamattyń tólqujatyn usyndy. Biraq, qyraǵy shekarashylar bul azamattyń tólqujat ıesi emes ekendigin birden anyqtady. Anyqtaý barysynda ol óziniń Tarybaev Bırbek emestigin, ol onyń týysqany bolatynyn, al ózi 1979 jyly týǵan Masanalıev Ilmazbek ekendigin moıyndady. Bóten qujatty kórsetken azamat endi QR zańy boıynsha jaýap beretin bolady.
