Týysqanyn myltyq dúmimen urǵan almatylyq ustaldy
ALMATY. QazAqparat - Týysqanyn myltyq dúmimen urǵan almatylyq er adam ustaldy, dep habarlaıdy QazAqparat tilshisi.
Oqıǵa Maqataev jáne Qojamqulov kósheleriniń qıylysynda bolǵan.
Qalalyq ІІD-niń resmı ókili Saltanat Ázirbektiń aıtýynsha, úıdiń podeziniń aldynda eki er adamnyń arasynda janjal týǵan. 45 jastar shamasyndaǵy er adam qasyndaǵy týysqanyn ańshy myltyǵynyń dúmimen urǵan. Sonan soń qashyp ketken.
«Oqıǵa ornyna jetken polıtseıler er adamdy ustap, myltyqtyń tirkelgenin anyqtady. Kúdikti qazir Almaly aýdandyq ІІB-ge jetkizildi. Qazir tekserý jumystary júrgizilip jatyr. Onyń is áreketine quqyqtyq turǵyda baǵa beriletin bolady», - dedi S.Ázirbek.
