Týysqandarymen eregisken Avstrııa turǵyny 1 mln eýrony keskilep tastaǵan
ASTANA. QazAqparat - Avstrııanyń turǵyny 1 mln. eýroǵa jýyq aqshany keskilep tastaǵan, ol bul aqsha týysqandarynyń qolyna túskenin qalamaǵan. Áıeldiń aty-jóni belgisiz, dep jazady sheteldik BAQ.
85 jastaǵy áıeldiń bul áreketi onyń qarttar úıinde kóz jumǵanynan keıin ǵana belgili boldy.
Zeınetker jalpy somasy 950 myń eýro bolatyn banknottardy kesip tastaǵan. Bankırlerdiń aıtýynsha, bul murany qart áıeldiń týysqandary ala alady, tek olar kesilgen aqshanyń qıyndylaryn tapsyrýy tıis. Endi zeınetkerdiń týystary kesilgen banknottardyń qıyndylaryn izdep júr.
Prokýror Erıh Habıtsldiń aıtýynsha, keskilengen banknottar tabylǵan. Sondaı-aq ol aqsha qart áıeldiń ózine tıesili bolǵandyqtan, onyń bul áreketi zańǵa qaıshy kelmeıtindigin aıtty. «Sondyqtan bul oqıǵaǵa qatysty eshqandaı tergeý amaldary júrgizilmeıdi», - dedi ol.
Avstrııa ulttyq bankiniń qyzmetkeri Frıdrıh Hammersshmıdt muragerler kesilgen kýpıýranyń qıyndylaryn taýyp, ol banknottardyń shynymen de bolǵany anyqtalsa, onda olardy aıyrbastap berýge bolatynyn aıtty.
