Túıneme juqtyrǵan 14 adamnyń altaýy áli aýrýhanada - Densaýlyq saqtaý mınıstrligi
Bul týraly búgin QR Densaýlyq saqtaý jáne áleýmettik damý mınıstrliginiń Medıtsınalyq kómek kórsetý departamentiniń dırektory Baýyrjan Baıserkın málim etti.
«2016 jyldyń 8 maýsymy men 8 shildesi aralyǵynda Qazaqstan boıynsha 16 adam túıneme juqtyrǵan. Almaty oblysynda úsh adam, Shyǵys Qazaqstan oblysynda eki adam, Qaraǵandy oblysynda segiz adam (ókinishke qaraı, ekeýi qaıtys boldy), Pavlodar oblysynda úsh adam osy aýrýmen aýyrǵan. Aman qalǵan on tórt adamnyń segizi qazir aýrýhanadan shyqqan, taǵy alty adam statsıonarda em qabyldaýda», - dedi B.Baıserkın.
Onyń aıtýynsha, aýrýhanada jatqan alty adamnyń bireýi - Qaraǵandy oblysynyń turǵyny, ekeýi - Shyǵys Qazaqstan oblysynyń, úsheýi - Pavlodar oblysynyń turǵyndary. Jaǵdaıy óte aýyr bolǵan Pavlodar oblysynyń eki adamynyń jaǵdaıy jaqsarǵan, taǵy bir adamnyń jaǵdaıy turaqty. Sondaı-aq, osy adamdarmen baılanysta bolǵan 301 adam tolyq medıtsınalyq zertteýden ótken.