Týyndaǵan problemalar bir nusqaýmen ǵana sheshilmeıdi - Mahambet Dosmuhambetov
Oblys ákimi aldymen Jamansor jáne Janterek eldi mekenindegi bastaýysh mektepterge bardy. Munda bilim berý nysanynyń syıymdylyǵyna saı, 53-60 oqýshy bilim alady.Áıtse de, kabınetter qajettiligine qaraı jabdyqtalǵan.Tipti, balalar úshin ishki ájethana da bar. Tek, ǵımarattyń tarlyǵynan Jamansordaǵy mektepte ashana men sport zal qarastyrylmaǵan. Alaıda, aýyl halqyn alańdatatyn másele bul emes. Olar atalǵan eldi mekenderde orta bilim beretin mektep joq dep shaǵymdandy. Óıtkeni, aýyl balalary bastaýysh synyptan soń, orta bilim alý úshin ózge aýdandarǵa bólinip ketýge májbúr.
- Aýylymyzda orta mektep joq. Balalarymyzdy Jylyoı, Maqat aýdandaryndaǵy ınternatqa jiberemiz. Ózimizdiń baqylaýymyzda bolmaǵan soń, alańdap otyramyz, -dedi aýyl turǵyny.
Mahambet Dosmuhambetov orta bilim beretin mektep bilikti mamandy qajet etetindigin alǵa tartty. Al, aıadaı aýyldy mamandarmen tolyq qamtý ekitalaı ekendigin de jasyrmady. Sondyqtan da bul másele bir nusqaýmen sheshilmeıtindigin basa aıtty. Áıtse de, «aýyl halqynyń ótinishi eskerýsiz qalmaıdy», - dedi oblys ákimi.
Ary qaraı Muqyr aýylyna attanyp, qurylysy aıaqtalmaǵan 400 oryndyq mádenıet úıin kórdi. 2017 jyly bastalǵan qurylysty jedeldetýge jumystanyńdar dep tapsyrma berdi. Al, 2018 jyly qalanǵan 424 oryndyq orta mekteptiń negizgi qurylysy aıaqtalǵan. Endi, ishki jumystar júrgizilgen soń, jańa oqý jylynda paıdalanýǵa beriledi dep kútilýde.
Aýyl ishinde 1984-1985 jyldary salynǵan ǵımarattar da bar. Qoldanystaǵy eski nysandardyń biri aýyl ákimdiginiń ǵımaraty bolsa, endi biri - aýdandyq sport mektebiniń bólimshesi. Tozyǵy jetken bul mekemelerge jańa ǵımarat qajet. Budan soń, oblys ákimi keńeıtýdi qajet etetin Muqyr dárigerlik ambýlatorııasynyń jumysymen tanysty. Mundaǵy máselelerdi de jaýaptylarmen birge talqyǵa saldy. Ary qaraı, oblys basshysy Saǵyz aýylyna at basyn burdy. Mundaǵy aýyldyq okrýg ákimi apparaty ǵımaratynyń da jaǵdaıy ońyp turǵan joq. 1952 jyly salynǵan ákimdiktiń ábden tozyǵy jetken. Al, Ómirov atyndaǵy óner mektebiniń ǵımaraty shaǵyn. Bul jaǵdaılarmen tanysqan oblys ákimi qajetti jobalardyń qaralatyndyǵyn aıtty. Kúrmeýi kóp kelesi másele Saǵyz temirjol vokzaly. 1952 jyly boı kótergen vokzal ishi tym tar. Sondyqtan jańa ǵımarat qajet. Alaıda, aýdan ákimdiginiń aıtýynsha, Saǵyz temirjol vokzaly «QazaqstanTemirJoly» AQ-ǵa qarasty.
- Bul jerge jolaýshylar ıgiligi úshin jańa nysan salýdy kózdep otyrmyz.Alaıda temirjol vokzaly QTJ AQ teńgeriminde bolǵandyqtan , joba jasaqtaý múmkin bolmaı tur. Sondyqtanda QTJ AQ-na hat joldap, teńgerimge tapsyrýyn suradyq. Jaýap kelgen soń, jobalaý-smetalyq qujattamany jasaqtaýǵa jumystanamyz, - dedi aýdan ákimi Nursultan Bısembıev.
