Túımebaev UOS ardagerine Úkimet basshysynyń quttyqtaýyn jetkizdi

ShYMKENT. QazAqparat - Ońtústik Qazaqstan oblysynyń ákimi Janseıit Túımebaev Jeńis kúni merekesine oraı Shymkent qalasynda turatyn UOS ardageri Jumashev Pernebektiń shańyraǵyna arnaıy baryp quttyqtap, syı-sııapat tartý etti. 

Sondaı-aq QR Premer-Mınıstri  Baqytjan Saǵyntaevtyń joldaǵan quttyqtaý hatyn tapsyrdy, dep habarlaıdy QazAqparat HAA tilshisi.

Kezdesýde qazynaly qart maıdan dalasyndaǵy estelikterimen bólisip, búgingi urpaqtan egemen elimizdegi beıbit ómirdiń qadirin uǵynyp, ony qasterleýin ótindi. Sonymen qatar ol el úshin shaıqasqan árbir ardagerge árdaıym qurmet kórsetilip, áleýmettik turǵyda qoldaý bildirip jatqan Elbasyǵa jáne jergilikti bılik ókilderine rızashylyǵyn bildirdi.

92 jastaǵy soǵys maıdangerimen áńgimelesý barysynda ákim beıbit ómir úshin, urpaqtyń baqytty bolashaǵy úshin otqa túsip, qaıǵy-qasiret shekken, sonyń bárin qaıyspaı jeńe bilgen ardagerlerdiń jankeshti erligi men eńbegi eshqashan umytylmaıtynyn aıtty.

«Sizderdiń kórsetken osynaý erlikterińiz búgingi urpaq úshin naǵyz otansúıgishtiktiń, kópultty tatýlyqtyń teńdessiz úlgisi bolyp tarıhta jazylyp qaldy. Sol máńgi óshpes ónegelerińiz júregimizdiń tórinen oryn aldy. Bolashaqta da solaı bola bermek»,- dedi ákim.

Pernebek  Jumashev 1925 jyly Túlkibas aýdany, Mankent aýylynda dúnıege kelgen. Aýyldaǵy 7 jyldyq mektepti bitirgen soń 1942 jyly qarasha aıynda 1-2 Ýkraına 13 armııa qataryna shaqyrylyp, el aldyndaǵy óz mindetin atqardy. 1944 jyly elge qaıtyp oraldy. 

«Erligi úshin» medalimen marapattalǵan  ardager zaıybymen 4 bala, 3 qyz tárbıelep ósirip, olardan 36 nemere, 48 shóbere, 3 shópshek súıip otyr.