Túımebaev Túrkistandaǵy 26 turǵyn úıdiń qurylysymen tanysty

TÚRKІSTAN. QazAqparat - Búgin Túrkistan oblysynyń ákimi Janseıit Túımebaev oblys ortalyǵy - Túrkistan qalasynyń ákimshilik-iskerlik ortalyǵynda boı kóterip jatqan 26 turǵyn úıdiń qurylys jumystarymen tanysty, dep habarlaıdy QazAqparat.

Oblys ákimi baspasóz qyzmetiniń málimetinshe, 1 536 páterden turatyn baspanalardyń 1 200-i (20 turǵyn úı) arendalyq úıler bolsa, qalǵan 6 turǵyn úı, ıaǵnı 336 páter kredıttik baspanalar qatarynda.

Іrgetasy osy jyldyń qyrkúıek aıynda qalanyp, memlekettik bıýdjet esebinen salynyp jatqan 60 páterli 20 turǵyn úıdiń 11-i (660 páter) 2019 jyldyń sáýir aıynda tapsyrylady. Al 9 turǵyn úı (540 páter) keler jyldyń qarasha aıyna el ıgiligine berilmek.  Kredıttik kópqabatty 6 turǵyn úıdiń (336 páter) qurylys jumystary 2019 jyldyń maýsym aıynda aıaqtalyp, paıdalanylýǵa tapsyrylady.     

Jańa ákimshilik-iskerlik ortalyqta memlekettik-jekeshelik áriptestik arqyly 280 oryndyq jańa balabaqshanyń qurylysy da halyq ıgiligine tapsyryldy. Sondaı-aq, 900 oryndyq mekteptiń esigin jańa oqý jylyna deıin ashý josparlanýda.

Jańa oblys ortalyǵy Túrkistan qalasynyń ákimshilik-iskerlik aımaǵynda qazir jańa ákimshilik ǵımaraty, basqarmalar jáne departamentter úıleri, sondaı-aq, 5 juldyzdy «Rıksos» qonaq úıiniń qurylysy bastalyp ketti.