Túımebaev túrki áleminiń ınjenerleri men sáýletshilerimen kezdesti
Kezdesýde taraptar sáýletshilik jáne qala qurylysy jobalaryn áńgimelep, túrki áleminiń ejelgi sáýlet óneri eskertkishterin saqtaý jáne onyń búlinýin boldyrmaý, qurylysty salý barysynda ejelgi dástúrleri men zamanaýı ustanymdaryn úılesimdi yqpaldastyrý jaıyn sóz etti.
Basqosýda óńirdiń shýaqty bóliginde ornalasqan halqy eńbekqor ári qonaqjaı óńir ekenin aıtqan aımaq basshysy, oblystyń tarıhı jáne kıeli jerlerimen tanystyrý maqsatynda qonaqtar úshin arnaıy úsh kúndik baǵdarlama ázirlengenin jetkizdi. Sonymen qatar, ákim Elbasynyń «Bolashaqqa baǵdar: rýhanı jańǵyrý» baǵdarlamasy aıasynda oblysta «Kóne Túrkistan», «Ordabasy memorıaly», «Qazyǵurt - Keme qalǵan» tarıhı-mádenı kesheni syndy birqatar jobalar qolǵa alynǵanyn atap ótti.
Kezdesýde Túrki dúnıesiniń sáýletshiler jáne ınjenerler odaǵynyń bas hatshysy Іlııas Demırdjı sóz alyp, atajurtqa kelgenine qýanyshty ekenin atap ótti. Aımaq basshysy Janseıit Túımebaevtyń qabyldaǵanyna alǵysyn bildirdi.
«Bizdiń Ońtústik óńirine jasaǵan saparymyzdyń maqsaty - atajurtymyzben birlesip, tıisti baǵdarlamalar júrgizý. Túrik dúnıesiniń ınjenerler jáne sáýletshiler odaǵy «Fırbank» qurylys bankimen birlese, turǵyn úı men qurylys salasynda kómek bermek. Búginde Ázerbaıjan, Túrkııa jáne Qyrǵyzstan elderinde quny 60 mln dollar bolatyn birlesken jobalar ázirlenip jatyr. Bul oraıda, biz tájirbıe almasý úshin sáýlet jáne qala qurylys basqarmasynyń basshysyn Túrkııa eline shaqyramyz», - dedi Іlııas Demırdjı.
Endi Túrkııa memleketinen kelgen delegattar sapary barysynda Ońtústiktiń kıeli jerlerine zııarat etip, tarıhı jáne kórikti jerlerin tamashalaıtyn bolady. Sonymen birge Túrkistan qalasyndaǵy Q.A.ıAsaýı atyndaǵy halyqaralyq qazaq-túrik ýnıversıtetinde ótetin semınarǵa qatyspaq.
