Túımebaev Májilis depýtattarymen kezdesti
ASTANA. QazAqparat - Ońtústik Qazaqstan oblysynyń ákimi Janseıit Túımebaev óńirge kelgen bir top QR Parlamenti Májilisiniń depýtattarymen kezdesti, dep habarlaıdy ákiminiń baspasóz qyzmeti.
Memleket basshysynyń «Bolashaqqa baǵdar: rýhanı jańǵyrý» atty maqalasyn óńir jurtshylyǵyna nasıhattaý maqsatynda kelgen QR Parlamenti Májilisi depýtattarynyń ishinde Sáken Qanybekov, Abdimanap Bekturǵanov, Mansurhan Mahambetov, Erjan Qudaıbergen bar.
Kezdesý barysynda aımaq basshysy Elbasynyń «Bolashaqqa baǵdar: rýhanı jańǵyrý» atty maqalasynda atap kórsetilgen mindetterdi negizge ala otyryp, oblystyń áleýmettik-ekonomıkalyq damýy men saıası turaqtylyǵyn qamtamasyz etý baǵytynda júıeli jumystar atqarylyp jatqandyǵyna toqtaldy. Ákim sondaı-aq oblys ekonomıkasyn jaqsartýda halyqaralyq baılanystarǵa asa mán berilip, ishki týrızm salasyn damytýǵa kúsh salynyp otyrǵanyn sóz etti.
«Elbasynyń «Bolashaqqa baǵdar: rýhanı jańǵyrý» atty maqalasy - mańyzdy saıası-ıdeologııalyq qujat. Sebebi, bul maqalada ulttyq qundylyqtarymyz, memlekettiń ulttyq qurylymy, qazaq eliniń tarıhı muralary týraly keńinen aıtylǵan. Bizdiń búgingi eń basty maqsatymyz - elimizdi damyǵan 30 eldiń qataryna engizý. Sondyqtan Elbasy maqalasynda zamanǵa sáıkes jańǵyrý, onyń ishinde rýhanı jańǵyrý máselesi jan-jaqty taldanyp, oblysymyzda taıaý jyldarǵa aýqymdy mindetter qoıylyp otyr. Ári halyqaralyq baılanysty nyǵaıtý arqyly óńirimizge ınvıstıtsııa tartý men kedergisiz kásipkerlik ortasyn qalyptastyrý baǵytynda aýqymdy jumystar atqarylýda»,-dedi Janseıit Qanseıituly
Elbasynyń bastamasymen júzege asyp otyrǵan baǵdarlamalardyń oryndalýyna qanyqqan halyq qalaýlylary aldaǵy ýaqytta Ońtústik Qazaqstannyń ósip-órkendeýi jolyndaǵy jobalarǵa barynsha óz úlesterin qosyp, qoldaý bildiretindikterin jetkizdi.
Demalys ýaqytynda oblystyń birqatar óńirlerinde bolyp, saılaýshylarymen kezdesýler ótkizetin májilis depýtattary jergilikti jerdegi atqarylyp jatqan istermen tanysyp, kópshiliktiń oı-pikirlerin tyńdamaq.
