Túımebaev departament basshysyna tarıfterdi turaqtandyrýdy tapsyrdy
ShYMKENT. QazAqparat - Búgin Ońtústik Qazaqstan oblysynyń ákimi Janseıit Túımebaev Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti Ońtústik Qazaqstan oblysy boıynsha departamentiniń basshysy Muratbek Ámirbekovpen kezdesti. Kezdesý barysynda tarıftik saıasatty jetildirýdiń negizgi amaldary, baǵalardy belgileýdiń tazalyǵyn qamtamasyz etý máseleleri sóz boldy, dep habarlaıdy QazAqparat tilshisi.
Aıta keteıik, jýyrda ǵana QR Ulttyq ekonomıka mınıstri Tımýr Súleımenovtiń buıryǵymen jáne Ońtústik Qazaqstan oblysynyń ákimi Janseıit Túımebaevtyń kelisimimen Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti Ońtústik Qazaqstan oblysy boıynsha departamentiniń basshysy bolyp Muratbek Esenbekuly Ámirbekov taǵaıyndalǵan bolatyn. Aımaq basshysy kezdesýde jańadan taǵaıyndalǵan basshyǵa gaz, sý, elektr jaryǵy, jylý tarıfterin turaqtandyrýǵa atsalysýǵa shaqyrdy.
«Kúni keshe ǵana Elbasymyz elimizdegi kommýnaldyq tarıfterdiń jón-josyqsyz kóterilýine jol bermeý týraly tapsyrma berdi. Aldaǵy ýaqytta sizdiń jumysyńyzǵa sáttilik tileı otyryp, óńirdegi tabıǵı monopolııalardy retteýge atsalysady dep senim bildiremin. Kommýnaldyq qyzmet túrleriniń tarıfin qadaǵalaýda qyraǵylyq tanytyp, tutynýshylardyń quqyqtaryn saqtaýdaǵy jumysyńyz jemisti bolsyn!», - dedi Janseıit Qanseıituly.
