Túımebaev bıýdjetti durys ıgermegen basshylardy jazalamaq

None
None
ASTANA. QazAqparat - Ońtústik Qazaqstan oblysy ákimdiginiń kezekti májilisinde aımaq basshysy Janseıit Túımebaev bıýdjet qarjysynyń ıgerilmeýine qatysty basqarma basshylary men aýdan, qala ákimderiniń jumystaryna qanaǵattanarlyqsyz degen baǵa berdi, dep habarlaıdy QazAqparat ákimniń baspasóz qyzmetine silteme jasap.

Bıýdjet qarajatyn tıimdi jáne merziminde ıgerý árbir mekeme basshysynyń basty maqsattarynyń biri bolý kerek ekenin aıtqan oblys ákimi qazynadan bólingen qarjyny durys uqsatpaǵan basshylar jazalanatynyn jetkizdi. 

«Bizdiń osy baǵyttaǵy jumysymyzdy Memleket basshysy men Úkimet qatań baqylaýǵa alǵan. Osyǵan sáıkes biz bıýdjet qarajatyn ıgerý máselesin turaqty túrde aı saıyn qarap, talqylaımyz. Alaıda, qarjy basqarmasynyń búgin jasaǵan baıandamasyna sáıkes, oblystyq basqarmalardyń jáne aýdan, qala ákimderiniń bıýdjet qarajatyn ıgerý baǵytyndaǵy jumystary tómengi deńgeıde bolyp otyr. Sonymen qatar, byltyrǵy jyldan beri bıýdjet qarajatyn ıgerý boıynsha berilgen tapsyrmalar oryndalmaǵany belgili boldy. Osy rette, birqatar oblystyq basqarma basshylarynyń jáne aýdan, qala ákimderiniń bıýdjet qarajatyn ıgerý boıynsha jumystaryna qanaǵattanarlyqsyz degen baǵa beremin», - dedi J.Túımebaev.

Májiliste 2017 jylǵy 9 aıdyń qorytyndysy boıynsha oblys bıýdjetiniń atqarylýy týraly sóz alǵan oblystyq qarjy basqarmasy basshysynyń mindetin atqarýshy R.Múlkemanov oblystyq basqarmalar boıynsha 209,6 mln teńge, al, aýdan, qalalarda 559,4 mln teńge qarjy ıgerilmeı qalǵanyn málimdedi.

null 

 «Jalpy jyl basynan beri oblystyq qurylys, energetıka, avtomobıl joldary jáne kásipkerlik basqarmalary qarjylandyrý josparlaryna 17,1 mlrd. teńgege 25 ret negizsiz ózgerister engizgen. Egerde qyrkúıek aıyndaǵy 4,4 mlrd teńge keıingi aılarǵa aýystyrylmaǵan jaǵdaıda atalǵan oblystyq bıýdjettik qarjynyń ıgerý deńgeıi tómen bolar edi. Búgingi tańda oblys bıýdjetiniń qarjysy 99,8 paıyzǵa ıgerilip otyr»,-dedi R.Múlkemanov.

Baıandamashynyń málimetinshe, eń iri kólemde ıgerilmegen qarjy Saryaǵash, Saıram aýdandary men Shymkent qalasy jáne oblystyq energetıka jáne turǵyn úı-kommýnaldyq sharýashylyq pen dene shynyqtyrý jáne sport basqarmalaryna tıesili eken.

Jıyndy qorytyndylaǵan óńir basshysy J.Túımebaev baıandamadaǵy dáıekterge súıene otyryp, basqarma basshylary men aýdan, qala ákimderine kemshilikterge jol bergen tıisti jaýapty orynbasarlaryna úsh kún ishinde tártiptik shara kórip, nátıjesin baıandaýdy jáne aýdan, qala ákimderine osy jyldyń kiris josparyn tolyq oryndalýyn qamtamasyz etýin tapsyrdy.

Sondaı-aq, ákim aýdan, qala basshylaryna  2017 jylǵy bıýdjette qaralǵan qarjylardy tolyq ıgerip, túpkilikti nátıjege qol jetkizýdi, jyl qorytyndysymen bul jumystar tolyq oryndalmaǵan jaǵdaıda birinshi basshylarǵa qatań tártiptik shara kóriletindigin eskertti.

null 

Сейчас читают
telegram