Túıemen Reseı aspaq bolǵan qazaqstandyqtyń oıy júzege aspaı qaldy

ASTANA. QazAqparat - Reseılik veterınarlar Qazaqstannan syılyq retinde barǵan túıeni veterınarlyq sertıfıkatynyń joqtyǵynan kedennen ótkizbeı qoıdy, dep habarlandy Altaı Respýblıkasy jáne Altaı ólkesi boıynsha Reseı aýylsharýashylyq baqylaý basqarmasynyń saıtynda.

«Altaı Respýblıkasy jáne Altaı ólkesi boıynsha Reseı aýylsharýashylyq baqylaý basqarmasynyń jáne RF FQQ Altaı ólkesi boıynsha shekara basqarmasynyń qyzmetkerleri №1 formaly Kedendik Odaqtyń veterınarlyq sertıfıkatynsyz Qazaqstannan Reseıge zańsyz túıe engizý faktisin áshkereledi. Tasymaldaýshynyń sózine qaraǵanda, ol túıeni Altaı ólkesindegi Tretıakov aýdanynyń turǵynyna syılyqqa apara jatqan», - dep jazady «Novostı-Kazahstan» AA resmı habarlamaǵa silteme jasap.