Túıequsty uryp óltirgen haıýanattar baǵynyń qyzmetkeri túrmeden bir-aq shyqty
ASTANA. QazAqparat - Bul oqıǵa La-Test-de-Bıýsh frantsýz kommýnasy haıýanattar baǵynyń birinde boldy. Janýarlar baǵynyń qyzmetkeri túıequsty óltirip, qus kórshiles volerde ornalasqan ponıdiń tuıaqtarynyń astynda qalǵan dep óz qylmysyn jappaq bolǵan.
Onyń ótirik aıtqandyǵy anyqtalyp, is sotqa joldandy.
Túıequsty egjeı-tegjeıli zerttegen sarapshylar ony basynan kúrekpen qatty urǵannyń saldarynan ólgen dep otyr. Al túıequsty óltirip, ol úshin ponıdi aıyptaǵan haıýanattar baǵynyń qyzmetkeri jarty jyl túrmede otyrý jazasyn aldy, biraq kóp uzamaı ol merzim eki aıǵa deıin qysqartyldy.
