Túıequs Afrıkada velojarystyń qatysýshysyna aınaldy

ASTANA. QazAqparat - Afrıkalyq straýs velojarysqa qatysty. Onyń kúre jolda sportshylardyń artynan júgirýi túsirilgen vıdeo Jelide paıda bolyp, ony júzdegen myń adam qarady.

Kadrlardy sportshylardyń denesine ornatylǵan taspa túsirgen. Vıdeoda kenetten paıda bolǵan qustyń velosıpedshilerdiń artynan júgirip, olardy qýyp jetýge árekettengeni kórinip tur. Túıequs kúre jolda birshama tez júgirip, jarysýshylarǵa áne-mine jetip te qalatyn tárizdi. Alaıda qus bir kezde qyzyǵýshylyǵyn joǵaltyp, kúre joldan burylyp, taspa nazarynan joǵalyp ketti.

Velosıpedshilerdiń ózderin alyp qustyń qýǵanyn kórgende basynda qatty qoryqqandaryn, odan keıin jaǵdaıdyń kúlkili kóringenin atap ótti.