Túıe urlaǵan Aral turǵyny 5 jylǵa sottaldy

QYZYLORDA. KAZINFORM –Qyzylorda oblysynyń Aral aýdandyq sotynda Qylmystyq kodekstiń 188-1-baby 3-bóliginiń 2-tarmaǵy boıynsha sottalýshyǵa qatysty qylmystyq is qaraldy.

Sottyń baspasóz qyzmeti habarlaǵandaı, ol buryn sottalǵanyna qaramastan jergilikti turǵynnyń aýlasyna qorshaýdan sekirip túsip, úıine zańsyz kirip, mal qorasynan bir bas túıeni jetektep alyp ketken. 

- Qylmystyq áreket saldarynan jábirlenýshige 800 myń teńge mólsherinde múliktik zııan keltirgen. Sot otyrysynda óz kinásin moıyndady. Odan bólek jábirlenýshi jáne kýániń jaýaptarymen, is boıynsha basqa da dáleldemeler jıyntyǵymen bekitildi. Sottalýshy buryn menshikke qatysty aýyr qylmystyq quqyqbuzýshylyq jasaǵan. Sot jeńil jaza taǵaıyndaǵanymen odan qorytyndy shyǵarmaǵan. Aldyńǵy úkim boıynsha jazany óteý barysynda sottalýshynyń birneshe ret jaza óteý tártibin buzyp, eki ret bas bostandyǵyn shekteý jazasyn bas bostandyǵynan aıyrý jazasyna aýystyrylǵanyn, jeke basyna jaqsy minezdeme berilmegenin eskergen sot oǵan 5 jyl merzimge bas bostandyǵynan aıyrý jazasyn taǵaıyndady, - delingen habarlamada. 

Buǵan deıin Qyzylorda oblysynda asa iri mólsherdegi psıhotroptyq zattardy ótkizgen turǵyn qylmystyq jaýapkershilikke tartyldy.