Túıe haıýanattar baǵynyń ıesin taptap óltirdi
ASTANA. QazAqparat - Meksıkada yzalanǵan túıe haıýanattar baǵynyń ıesin taptap óltirdi. Jergilikti bılik oqys oqıǵaǵa oraı tergeýdi bastady. Janýar qurbanyn taptap qana qoımaı, ony ústine jatyp alǵan.
Qutqarýshylarǵa túıeni er adamnyń ústinen túsirý úshin júk kóligine baılanǵan arqan qoldanýǵa týra keldi.
Associated Press habarlaǵandaı, qaza tapqan Rıchard Mıleskı amerıkalyq Chıkago qalasynyń týmasy. «Túıe ony ólmeshi etip taptaǵan, er adam áreń dem alyp jatqanda, onyń ústine otyryp aldy, dedi quqyq qorǵaý organynyń ókili. "Túıeniń astynda qalǵan er adam tunshyǵyp, jan tapsyrdy".
Janýar ne úshin Mıleskıge tap bergeni ázirge belgisiz. Quqyq qorǵaýshylar birneshe nusqany qaraýda. Onyń ishinde ádette baq ıeleri olarǵa syıapat retinde gazdy sýsyn bergen, osy joly odan qur qalǵan. Shamasy, túıe soǵan yzalanǵan bolýy kerek.
