Túıe balýandar saıysynyń bas júldesin Grýzııa sportshysy jeńip aldy

ASTANA. QazAqparat - Astanada ótip jatqan qazaq kúresinen álem chempıonatynyń túıe balýandar saıysy óz máresine jetti, dep habarlaıdy QazAqparat tilshisi.

Fınalda túıe balýandar jarysynyń altyn júldesine Tájikstan balýany Dadahon Kýrbanalıev pen Grýzın sportshysy Gýga Kıbordzaıdze talasty.

Asa tartysty ótken synda Grýzııanyń balýany jeńiske jetip, 5 myń AQSh dollaryn syılyqqa aldy.

Esterińizge sala keteıik, túıe balýandar saıysynda el namysyn astanalyq Aıbat Seıten qorǵaǵan bolatyn. Ókinishke oraı, qazaq balýany alǵashy irikteýden súrinbeı ótkenimen, shırek fınalda tájikstandyq balýan Dadahon Qurbanalıevten utylyp qaldy.

Sonymen qazaq kúresinen Astanada ótken álem chempıonatynda qazaq balýandary 6 altyn, bir qola medal enshilep jalpy esepte top jardy. Álem birinshiligine 40 memleketten 166 balýan kelip qatysty. Olar 9 salmaq dárejesinde 40 medal jıyntyǵyn sarapqa saldy.

Foto baq.kz