Tývada joǵalǵan tikushaqty 44 adam izdestirýde
ASTANA. QazAqparat - Tývada joǵalǵan Mı-8 tikushaǵyn izdeýge 44 adam, 8 tehnıka tartyldy.
Respýblıkalyq TJM basqarmasynan habarlaǵandaı, áýe kemesi baǵyty boıynsha bortynda qutqarýshylar men medqyzmetkerler bar tikushaq jiberildi.
TJM joǵalǵan tikushaq bortynda 12 adam - 5 ekıpaj múshesi men 7 jolaýshy bolǵanyn rastady. Sondaı-aq olar "Tyva avıa" kompanııasyna tıesili tikushaqtyń Todjın aýdanynyń Sorýg aýmaǵynan Qyzylǵa qaraı ushqanyn rastady.
Buryn habarlanǵandaı, Mı-8 tikushaǵy 10 qazanda jergilikti ýaqytpen saǵat 10:00 Todjın aýdanynan ushqan. Shamamen 1,5 saǵattan keıin ekıpajben baılanys úzildi. Tikushaqtyń Saıanogor kompanııalarynyń biriniń tapsyrysymen ushqany belgili bolyp otyr.
