Tývada Sibir jarasy anyqtalǵan aýdanda turǵyndarǵa jappaı vaktsına egildi
KRASNOıAR. QazAqparat - Tyva Respýblıkasynyń Barýn-Hemchık aýdanynda Sibir jarasy anyqtalǵan aýmaq turǵyndarynyń barlyǵyna vaktsına egildi. Bul týraly respýblıka densaýlyq saqtaý mınıstri Orlan Dongakqa silteme jasap RIA Novostı habarlaıdy.
Tývada iri qaradan alynǵan taldaýlar sibir jarasy aýrýyna shaldyqqanyn rastaǵan. «Aýrýdyń oshaǵynda turǵyndarǵa 100 paıyz vaktsına egildi. Aýrýǵa shaldyqqan maldy joıýǵa qatysyp jatqandardyń da barlyǵyna dári egilgen», - dedi Dongak.
Ol, sondaı-aq buryn osy indet taraǵan basqa eldi mekenderde da vaktsınatsııa júrgiziletinin jetkizdi. Túıneme juqtyryp aýrýhanaǵa túsken eki naýqastyń sózine qaraǵanda, olardy jýyrda úıine jiberedi. Baqylaý maqsatynda aýrýhanaǵa jatqyzylǵan bes adamda aýrýdyń belgileri anyqtalmaǵan.
TASS agenttiginiń habarlaýynsha, buryn Barýn-Hemchık aýdanynda eki adam túınememen aýyrǵan aýmaqqa karantın jarııalanǵan.
Sibir jarasy (qoıda - topalań, jylqyda - jamandat, iri qarada - karatalak, túıede - aqshelek, qarabez) mal jáne jabaıy janýarlardyń batsıllýs antratsıs mıkroby kozdyratyn, jiti túrde ótetin asa qaýipti juqpaly aýrýy. Onymen adam da (túıneme, kúıdirgi) aýyrady.
foto: Mıhaıl Tereşenko/TASS
